السلام عليكم : الرجاء نشر مشكلة هذه العائلة المهجرة النازحة حملونا أمانة ايصالها لصفحات الفيس بوك العراقية وشكرا .......................................... بسم الله الرحمن الرحيم ( الذين ينفقون أموالهم بالليل والنهار سرا وعلانية فلهم أجرهم عند ربهم ولا خوف عليهم ولا هم يحزنون ) آني أخوكم المواطن العراقي ابو مصطفى تهجرت آني وعائلتي من الموصل 2007 بسبب العقيدة والمذهب وقبل سنة سقطت مناطقنه والناس وصلونه لكردستان صارلنه سنة باربيل اتدمرنه يومية بفندق مثل المشردين وهسه احنه نسكن بغرفة قديمة ( 3 في 3 متر ) بفندق قديم وايجارنه راح يخلص بعد 10 أيام وما عدنه أي مورد مالي أو مصدر للرزق حايرين منعرف شنسوي وآني مريض اعيش عالأدوية ومحتار اصرف على نفسي لو أطفالي لو زوجتي المريضة وابني المريض ؟؟؟ 15 شهر ما مستلمين حصتنه التموينية وخلصت المواد الغذائية اللي عدنه و حايرين اشلون ندفع مبلغ ايجار الفندق خايفين صاحب الفندق يطردنه فد يوم وتخلص المواد الغذائية اللي عدنه وما نكدر نوفر ثمن الأدوية والعلاج ما نكدر نتوجه لبغداد أو الجنوب بسبب وجود مرضى عدنه بالعائلة وعدنه طفلين زغار كلش وميتحملون سفر طويل وأمي مرة جبيرة ومعوقة ما أكدر اتركهه, الله وحده يعلم اشراح يصير بينه واشراح يكون مصيرنه واحنه بلا حول ولا قوة وما نعرف شنو مصيرنه وشوكت نرجع لمناطقنه , بيوتنه ومناطقنه كلهه مفخخيهه حتى لو نرجع يمكن ما نلكي شي وحال الضيم حالنه بس الله يدري بينه محد يحس بينه لذلك احنه انناشد ونستصرخ كل الشرفاء والرحماء وذوي القلوب الرحيمة والضمائر الحية في الداخل والخارج مساعدتنه وانتشالنه من المصير الأسود اللي ينتظرنه والله لا يضيع أجر المحسنين واللي يحب يزورنه ويتأكد من وضعنه بنفسه هله بي بعيوننه نخلي وعلى راسنه نشيله وشكرا. رقم موبايل العائلة بأسمي أبو مصطفى : 07701865326
ليست هناك تعليقات:
إرسال تعليق