#ابو_حمزة حوار مع حمزة حمزة هابويا شو تحكحك بوجهك هالأيام ؟! لا بويا ماكو شي ! وخارط شواربك ولَك ؟ولكم والله صايرين سرابيت شباب هل الوكت وحاف وجهك ولَك؟! ولَك ابد مو خالي انت ؟! ولَك بس لا عاشك يسربوت ؟! وهو العشگ عيب ؟ لا مو عيب يا عبد الحليم حافظ !!بس اليعشگ كون عنده مصيرف بجيبه مو يسلت آلاف من أمه ؟! وقابل أمي بت الجيران غير هي أمي ؟ قابل !! ولَك صاير تحچي مثل اهل بغداد قابل !! ولَك يمكن عاشگ بت ست مديحة المعلمة ؟ لا مو شنو ! لا منو گلك ها يسربوت گمت تمتمت ؟!مو اشوفك من تچي للبيت احوالك مخربطة ؟! بوية مو ألفاظك قاسية شوية؟ انت القاسي حميزة ؟! لا تنگس عگلنا من تالي وكت ؟ زيين راسك مثل الوادم واترك هاي البغدادية بت ست مديحة!! ولَك اسألني اني على البغادليات ؟!!! ومنين تعرفهن انت بويه ؟ ولَك اني فار عگة ومكة نسوان بغداد يودنك للشط ويرجعنك عطشان!! بس اني احبها بوية؟! گم يحبها ابو الچعچ !! گم روح چيبلي طاست ماي!! نشفت ريچي الله ينشف ريچك! بت ست مديحة ! ام وجه اليخبل ؟! حمزة : شلووون ؟ انچب