عبيس جندي عراقي فرار(هارب) من الجيش بوكت صدام والمنطقه كلها تعرفه فرار .
انطوا عفو عام وامه والناس نصحوه يلتحق احسن ما يعدمه صدام ،
والتحق عبيس للجيش وراح للنهضه حتى يلتحق بوحدته بالبصره .
بالنهضة كعد يم ام الكيمر والجاي واكل 13 لفة و شرب 7 استكانات من الشاي ( اخذه الواهس )...
ﻻن ام الكيمر حلوه وكل ما تناوشه لفه لو جاي يلزمها من ايدها ،،
اخوها يمه يبيع لبن ويراقب عبيس صار عصبي وهفه بتوثيه على راسه وسبحه بدمه ونقلوه للمستشفى... وارتجاج بالمخ وره ثﻻثه ايام كعد عبيس...
وكلهم اني وين وحجوله القصه... .
طلع من المستشفى وراسه مشدود وبدلته متروسه دم وتلكته المنطقه كلها والجهال ركضوا ﻻمه يبشروها ...عبيس متصوب(جريح)..
وامه تهلهل والناس تبوس بيه ﻻنه بطل ،،
جيرانهم رفيق حزبي قنقينه يلح عليه شلون انجرحت... .
كلهم وصلت لساحة سعد ولكيت الطيارات مسويه الجنود لحم ....
واخذتني الغيره من انضرب ابو الرباعيه وجان اكعد بمكانه واطيح نص الطيارات...
بس خلص العتاد...!
وواحد من الطيارين شافني وجان ينزل علي بطيارته... وكف فوك راسي وجان ينزل الجامه مال الطياره ويهفني بتوثيه .... ههههههههههههههه
ومالكيت نفسي اﻻ بمستشفى الكندي ...!!!
قصة عبيس مثل حكومتنا وبرلماننا وسادتنا وشيوخنا وسياسينا ......ياهو اللي تلزمه بطل ومصلح ووطني وكلبه على الشعب..
البلد شطيح حظه غير عبيس ؟؟؟؟؟!!!!!!
ليست هناك تعليقات:
إرسال تعليق