اليوم حبيت افيدكم بشغله اغلب الشباب والبنات يعانون من موضوع التعرق وخاصه من يطلعون...بحيث يستحون ويسببلهم احراجات...! واليوم حبيت انطيكم وصفه كلش حلوه ومجربه واني عن نفسي سويتها... الوصفه كالأتي : تجيبون گشور برتقال عدد 3 برتقالات وتجيبون گشر مال رگي ربع رگيه وتجيبون هيل عدد 10 هيلات وتفوروهن بالجدر لمده عشر دقايق بالنار وبعدين تعوفون الجدر لمده ساعه يبرد تماما .وراها تاخذون الجدر تصفو بقطعه قماش (‫#‏بازه‬) بالضبط مثل الجبن اذا تعرفون تسوون جبن بعدين تخلون المي الصافي ببطل بس عوفو ربع البطل فارغ وهسه اكوللكم ليش : تجيبون بطل مي ورد يبيعو بالاسواق وتديرون المي ورد بالربع الباقي من البطل مال الخلطه .. هذا علمود العطر يصير طيب .وراها تخلون البطل عالشمس لمدة نص ساعه حت يتجانس الخليط ع حرارة الشمس .. وراها تجيبون البطل وتروحون للمغسله وتذبون الخليط گله بالمغسله وتروحون تشترون ‫#‏رگسونا‬ بـ2500 دينار وترشون لجسمگم قبل متطلعون وشگرا لحسن الاصغاء هيه مال گشور بهالوگت بس رجاءاً بدون تجاوز او غلط دا اشاقه وياگم وتعبت من الكتابه ههههههههههه